Boletín RIES número 9: Abril 2016

Entre os días 13 e 15 de outubro do presente 2016 terá lugar na Facultade de Ciencias da Educación da Universidade de Santiago de Compostela o VII Congreso Nacional e II Internacional de Aprendizaxe-Servizo Universitario. Esta sétima edición estará coordinada desde o G.I. ESCULCA e a Rede RIES. A presidencia do comité organizador estará personificada no Prof. Miguel A. Santos Rego, a coordinación xeral na Profa. Mar Lorenzo Moledo e a secretaría estará a cargo de Alexandre Sotelino Losada.

Este congreso sirve, ademais, como encontro anual da Rede Universitaria de Aprendizaxe Servizo ApS(U), formada por profesorado e técnicos universitarios que traballan ou mostran interese neste ámbito, buscando diseminar e facilitar a adopción da aprendizaxe-servizo nas universidades españolas. Os encontros anuais foron inicialmente concibidos como espazos onde intercambiar experiencias e reflexionar conxuntamente sobre os retos para a implementación da ApS na universidade.