Guía de actuación ante casos de violencia de xénero no ámbito educativo
A violencia de xénero é un dos problemas máis graves e complexos da nosa sociedade actual. É un tipo de violencia estrutural e ideolóxica, que se vén exercendo durante décadas sobre as mulleres polo mero feito de selo, sen distinción de etnia, idade ou clase social e constitúe a expresión máis extrema da desigualdade entre homes e mulleres.
Trátase dun grave problema social, que se fai cada vez máis visible, debido á maior concienciación das vítimas e das súas familias, á sensi-bilización das institucións públicas, dos medios de comunicación, dos corpos e forzas de seguridade e da sociedade no seu conxunto.
E como problema social, é precisamente a sociedade no seu conxunto –tanto os poderes públicos coma cada persoa na súa con-torna e no seu día a día– a que debe implicarse e seguir loitando para lograr a súa erradicación.
En Galicia, aLei11/2007,galega para a prevención e o tratamento integral da violencia de xénero, publicada no DOG n.º 152 do 7 de agos-to de 2007, e modificada pola Lei 12/2016, do 22 de xullo (publicada no DOG n.º 140 do 26 de xullo do 2016) recolle no seu Título preliminar que se entende por violencia de xénero: calquera acto violento ou agre-sión, baseados nunha situación de desigualdade no marco dun sis-tema de relacións de dominación dos homes sobre as mulleres que teña ou poida ter como consecuencia un dano físico, sexual ou psico-lóxico, incluídas as ameazas de tales actos e a coacción ou privación arbitraria da liberdade, tanto se ocorren no ámbito público coma na vida familiar ou privada.